سیف الملوک صفحہ 8

پاک شہید پیارے تیرے افسر آل نبی دے	ربّاانہاں اماماں پچھے جو گُل لال نبی ﷺ دے
خنجر جھاگ محبت والی ہکنا ں بدن حلالے	ہکناں عشق تیرے دے پیتے بھر بھر زہر پیالے
پانی باہجہ پیاسے چلے دین دُنی دے سائیں	ہوندی قوت زور نہ لایا بیٹھے من رضائیں
سِردتے پرسی نہ کیتی شادی کرکر چلدے	عشق تیرے وچہ گہائل ہوئے مائل حسن ازل دے
میں عاجز مسکین بندے نوں نال ایمانے ماریں	پیر سنے وچہ نیر عشق دے بیڑا میراتاریں
میں بھی دوہیں جہانی پھڑیا دامن آل رسولے	توڑے رد سوال کریسی توڑے عرض قبولے
ذرے جتنا گھٹدا ناہیں ہتھوں ہوندا عالی	یانبی اللہ جے کجھ دتّا قدر تینوں رب والی
رحمت اتے لقاء مہر دا پاک جنابوں پائیے	اوگن ہار طفیل تساڈے اسیں بہشتیں جائیے
مینوں ہکونام تساڈا گہناں روز حشردا	ہور کسے کجہ نیکی ہوسی توشہ خرچ قبردا
ہوندے زور سوال نہ موڑیں نبیﷺ کریم کہاویں	تینوں قوت بخشی مولٰی سبہ خلقت بخشاویں
کد کریماں دے دراُتوں مُڑ آوے ہتھ خالی	دوست دشمن چنگا مندا جے کوئی ہوئے سوالی
اوگن ہار کوچجیں بھریا بخشیں نبی کریماںﷺ	رکھی جہول تساڈے اگے پاؤ خیر یتیماں
نام اللہ دے بخش بے ادبی ناں کر پکڑ گناہوں	کیتی بیفرمانی تیری بُھلا پھریوس راہوں
طه تے یٰٓس الہی صفت تساڈی کردا	سخن نہیں کوئی ہوندا میں تہیں تیرے شان قدردا
آل اصحاب سمیت سلاماں ہور درود پُچاواں	بہت عزت لولاکی تینوں کی میں صفت سناواں
پاؤ خیر محمد تائیں صدقہ شاہ جیلانی	آل اولاد تیری دا منگتا میں کنگال زیانی
دَرْمَدْحِ جناب حضرت غوث الاعظم جیلانی قدس اللہ تعالیٰ سِرہ العزیْز
غوث الاعظم پیر پیراندا ہے محبوب ربانی	واہ واہ میراں شاہ شہاندا سید دوہیں جہانی
نبیاں نالوں گہٹ نہ رہیا ہر  صفتوں ہر وسبوں	نانک دادک ولوں اُچا سُچا حسبوں نسبوں
وحی نہ محرم میراں تائیں دسے بھیت اجیہے	نبیاں نوں رب ولوں آندے وہی سلام سنیہے