سیف الملوک صفحہ 7

طٰه تے یٰسین بھلاندا سہرا شرم تے پاکی	اَسْریٰ دا گشت سرے تے افسرسی لولاکی
سُرمہ سی مازاغ اکہیں وچہ گل تعویز قرآنوں	سوہنی جہنڈمعنبر سرتے چمکے نور دخانوں
صلّے اللہ علیہ وسلم کرن نقیب پکاراں	نعت درود صلوٰۃ سلاموں چھٹیاں جہلن قطاراں
جتّھے وحی نہیں ونجہ سکدا ہٹ بیٹھا کر ڈیرے	چہوڑ آسماناں زمیاں تائیں سرورﷺ گیا اگیرے
چل اگیرے نال اساڈےکیوں بیٹھوں کر ڈیرا	سرور نے فرمایا اُسنوں جے توں ساتھی میرا
جے اک گِٹھ اگیرے ہوواں سڑ جاندے پر سارے	کیتی عرض فرشتے حضرت کون اسیں بیچارے
ایسا قرب تسانوں لائق جا ہو ہک  ہکلّے	نہیں مجال اساڈی اگے چمکن نُور تجلّے
اہل کمال جلال محمد توں ہی توں ہی سُجہدا	جتھے قدم تساڈا اوتھے ہور نہیں کوئی پُچدا
قَابَ قَوسَین اوادنیٰ تائیں پایا شان حضوری	سبہ کسے تہیں گئی اگیرے چاء چاء پردے نُوری
خلعت تحفے ہدیئے لیکے آۓ پھیر مُقرّہ	جانی نال ملے دل جانی وتھ نہ رہیا ذرّہ
عیب گناہ خطایاں بابت کیوں دوزخ ول ٹُرسی	ایسا نبی جنہانداوالی سو امت کیوں جُہرسی
لاکھ صلٰوت سلام تیرے تے لکھ درود ہزار	کی اکجہہ نعت تساڈی آکہاں خلقت دے سردارا
پیرواں اصحاباں اوتے بھی بنیاد تیری تے	تُدہ پر ہوں درود اللہ دے آل اولاد تیری تے
حق جنہاندے ثانی  اِثنین اِذْ ہما فی الغَارے	پیر مُرید صدیق اکبر سن پہلے یار پیارے
ایہ شیطان رجیم رولایا پنجے اندر پھڑ کے	یاردوجا فاروق عمر سی عدل کیتا جس چھڑ کے
عثمان ذی النورین پیارامہتر یوسف ؑ ثانی	شب بیدار غنی سی تریجا جامع جو قرآنی
دُلدل دا سوار علیؓ ہے حیدر شیر حقانی	چوتھا یار پیارا بھائی خاصہ دل دا جانی
سخی بہادر جگ وچہ نادر جسدا عالی پایا	لَحمک لحمی دمک دمی شان جنہاندے آیا
جُمل جہان ہوئی روشنائی شاہ مرداندے نوروں	ذولفقار جنہاں نوں اُتری خلعت فقر حضوروں
خیبر کوٹ کفار گرائیوس ڈنکے دین وجائے	جمدیاں سن جسدے اگے بتاں سییس نوائے
دوئے امام دتے راہ مولا پھیر صبر کر ٹکیا	ستر دو بہتر واریں راہ اللہ دے وِکیا