|
جن انسان غلام فرشتے دوئے جہان انہاں دے
|
لولاک لما خلقت الکون آیا شان انہاندے
|
|
اول آخر دئے پاسے اوہو ملّ کھلویا
|
نور محمد ﷺ روشن آہا آدم جدوں نہ ہویا
|
|
حوراں ملک انہاندی خاطر خدمت کارن بندے
|
پاک جمال اوہدے نوں سکدے روح نبیاں سندے
|
|
امت اسدی نبیاں لوڑن مرسل ہور اکابر
|
ولی جنہاندی امت سندے نبیا ں نال برابر
|
|
ذالقرنین سلیمان جیہے خدنت گار کہاندے
|
حسن بازار اوہدے سے 100 یوسف بردے ہووکاندے
|
|
تانہیں دست مبارک اسدا شافی ہرضرردا
|
عیسیٰ خاک اونہاندے دردی گھن تییمم کردا
|
|
جانی نوں قربان کیتا بہتر اسماعیلےؑ
|
خال غلامی اس دی والا لایاپاک خلیلےؑ
|
|
اوہ سلطان محمد والی مرسل ہور سپاہی
|
موسےٰ خضر نقیب انہاندے اگے بہجن راہی
|
|
نعت اُنہاندی کیکجہ لکہے شاعر اوگن ہارا
|
1000دہ سےسد جنہاں نوں ہویا نیڑے آء پیارا
|
|
دربیان معراج درّالتاج نبی علیہ السَّلام
|
|
|
سجناں تے خوش مشکاں ڈہلیاں دشمن سر سہاگے
|
آئی رات مبارک والی بھاگ اساڈے جاگے
|
|
سِکدیاں یاراں نوں آپو ہتے سکاندے پروانے
|
آسماناں پر تارے روشن شمع چراغ یگانے
|
|
آملئے ہک جوڑ محمد تینوں قرب نہ تہوڑا
|
وحی وکیل لیایا سدا نالے گہوڑا جوڑا
|
|
سد گہلیوں وڈیائی دیکے عزت ودہی سجندی
|
ہردم سک تساڈی سانوں آئی رات ملن دی
|
|
کرسی عرش مَعلّی ویکہیں سیر کریں سبہ جائیں
|
لوح قلم آسماناں زمیاں دوزخ جنت تائیں
|
|
نالے روح نبیاں سندے ہون سلامی سارے
|
عزت قرب تساڈا ویکہن حوراں ملک پیارے
|
|
پاک جمال تساڈے کارن ہردی جان ترسدی
|
دوزخ جنت وچہ آسماناں جو خلق اللہ وسدی
|
|
شرف سعادت پاوَنْ سارے شکر بجالیاون
|
ویکھ جمال حبیب میرے داصدقے جاون
|
|
چائی واگ محبت والی ٹریا راہ طلب دا
|
ہویا سوار براقے اوتے اوہ سلطان عرب دا
|
|
خدمت اندر حاضر ہوئےبد ہے لک ولیاں
|
لےلے تدراں اگوں روح تمام نبیاں
|
|
اج جنجاں دا لاڑا آیا مَل مَل رکھو گلیاں
|
100سے سنگار کیتے سبہ حوراں منگل گاون کہلیاں
|
سیف الملوک صفحہ 6
