سیف الملوک صفحہ 9

اعظم اسم تساڈا نانواں جس پڑھیا پھل پایا	نام نڑنویں 99 اوسنوں بخشے حکم ایہو فرمایا
نام لیاں لکھ پاپ نہ رہندی میل اندردی جاندی	آل نبی ﷺ اولاد علی  دی سیرت شکل اونہاندی
کھتے روح فرشتے ہتھوں لکھے لیکھ مٹائے	سے برساں دے موئے جوائے سُکے نیروگائے
جودربار اُنہاندے آیا خالی بھانڈا بھریا	غوثاں قظباں دے سر میراں قدم مبارک دہریا
مشکل حل کرائی ہردی قرب شاہاندا بہوتا	نبیاں تے جد اوکڑآئی روح میرانداپہوتا
مشت نمونہ سُن خرواروں ہکدن کیسی ہوئی	اوس محبوب الہی جیسا جگ پر سخی نکوئی
یا حضرت اج کوئی سخاوت ڈٹھی نہیں حضوروں	دیگر ویلے ہکس مُریدے کیتی عرض ضروروں
یا کوئی ہور اسرار جیہا جس دیہاڑلنگھائی	باطن اندر کیتی سایاں سانوں نظر نہ آئی
لیکن تُساں نہ ڈٹھی کوئی جو بیتی سو بیتی	حضرت نے فرمایا شخصاجے لکھ باطن کیتی
ایہو جیہی ہمیش سخاوت کھڑدے روز سوالی	ظاہر بھی کجھ دساں تینوں پلک نہ جاندا خالی
نظر اساڈی اگے رکھو ساعت ڈہل نہ لاؤ	ست ویہاں140 کوئی عاصی مجرم چُن چُن بُرے لیاؤ
میراں نظر کرم دی کیتی غوث بنائے سارے	خدمت گاراں پکڑ لیاندے اوگنہارنکارے
چوراُچکاتے منہ کالا رب بنایا پیروں	ہک کوئی ولی اللہ دا ہویا رد کسے تقصیروں
ایہہ مردُود الہیٰ مندا آیاہے کس کارن	جتول جاوے نکّےوڈے لوک سبہودُرکارن
بھکھاتے ترہایادتدا پکڑی چال نمانی	منگیا خیرنہ پینداکدہروں ناں ملداگھٹ پانی
اوہ تقصیر معاف نہ ہوئی دن دن ودّہ قہاری	ترے سے سٹھ360 ولی دی قدمیں لگاوارو واری
جے کوئی کرے شفاعت تیری اسدے باب خرابی	صاف جواب ولیاں دتّا توں مردُود جنابی
اوہ میراں محبوب خدادا مت تینوں بخشاوے	اوڑک ہکس ولی نے کہیا جا بغداد سُہاوے
حق اوہدے وچہ رحمت منگی میراں شاہنشاہے	مونہہ کالا کرگیا نماناں حضرت دی درگاہے
جواوپرالہ اِسدا کرسی اوسدے باب خواری	ہویا حکم جنابوں میراں ناکراِسدی یاری
جاں ہک قدم اٹھایوس اونویں ہویا حکم الہیٰ	اِس گلوں محبوب الہی رُس ہویا مُڑراہی