درمدح جناب شاہ شاہان حضرت میراں محمد مقیم تارک الدنیا
واصل الدین ساکن حجرہ منور قدس اللہ تعالیٰ سِرہُ العزیز
|
|
سوہنا سخی جدے گھر جایا علی امیر شہزادہ
|
حضرت میراں شاہ مقیماتیرا شان زیادہ
|
بالا پیر لکھاندا داتا دہن مائی جس جایا
|
نوری ملک کریندے چوری حوراں منگل گایا
|
حسنی سید پیدا ہویا صورت یوسف ؑ ثانی
|
عالم تے روشنائی ہوئی چڑہیا چن نورانی
|
لعل بہاول شیر
قلندر دم دم نال پکارن
|
حُجرے اندر کُہریاں پھیراں دینی ڈنکے مارن
|
گودی وچہ کہڈاوے جسنوں نبی کریم محمدﷺ
|
طوطے میناں خمرے بولن دہن مقیم محمد
|
کسنوں طاقت آکھ سناوے اوسدے قرب نہایت
|
جسنوں ویکھ سوا لکھ ہویا عارف اہل ولایت
|
دستگیر جنہاندا دادا کون تنہاندا ثانی
|
آل نبی ﷺ اولاد علیؓ دی واہ سیّدگیلانی
|
پیراں دے سر پیر محمد
واہ واہ پیر ہمارے
|
کتے جو درگاہ اوہدی دے شیراں اوپر بھارے
|
مینوں بھی کجھ شوق الہٰی بخشو سن فریاداں
|
پیراندے درباروں پاوے دائم خلق مراداں
|
پاک جناب اونہاندی اندر مینوں کرو حضوری
|
دمڑی والا لعل تساڈا جسدی ہے منظوری
|
درمدح جناب مرشد ہادی حضرت پیراشاہ غازی قدس اللہ تعالیٰ
سرہ العزیز
|
|
ہادی مرشد دی جس دولے چارے کوٹ نوائی
|
بِسم اللہ بِسم اللہ اگوں مدح مبارک آئی
|
داتا سخی محمد بخشا دن دن دیگ سوائی
|
مسلم ہندو کوئی نہ بر سیوے سبہ لوکائی
|
ہک دمڑی دا تخفہ لیکے دیندا دان لکہاندے
|
عاجز نِردہن اوسدے درتے لکھ نعامت کہاندے
|
عاجز اسدے شاہ سداون اسدا مان رکہاندے
|
شاہ سلطان اونہا ندے بہے عاجز بن وکہاندے
|
اگے چڑہے نہ چڑی اوہدی دے باز شکاری ڈردا
|
اُس در دے سگ عاری کولوں شیر ببر بہو کردا
|
پیرا شاہ قلندر غازی نِت سَوا لکھ داتا
|
بادشہاندا پیر کہاوے پیراں شاہ کر جاتا
|
پہونچے کر تاکید محمد پان مرید مراداں
|
سیک لگے جد سیوک تائیں ترت سنے فریاداں
|
سیف الملوک صفحہ 11
No comments: